Somaliland:(SIC)-

Alleybadey(HWN)-Munaasibada Xuska Maalinta Qaranimada Somaliland ee 18Ka May ayaa Maanta Siweyn Looga Xusey Degmada Alleybadey oo Katirsan Gobolka Gabiley iyadoo kamid ah Degmooyinka Waxsooraka Beeraha ku hodan ah eek u Teedsan Xuduuda ay Somaliland la Wadaagto Dalka aynu jaarka nahey Itoobiya.

Munaasibada Xuska Qaranimada Somaliland ee 18ka May ayaa boqolaal qof oo kamid ah

Dadweynaha Reer Alleybadey isugu soo baxeen fagaaraha Kheyriyada Degmada Alleybadey iyagoo intooda badani ku labisan yihiin Hidaha iyo Dhaqanka, astaanta Calanka Jamhuuriyada Somaliland, oo ay katosheen maryo kala oo ay xidhnaayeen haweenka iyo Caruurta iyo Ardryda Dugsiyada Degmadaasi, iyagoo Reer Alleybadey ku qaabileen Munaasibadan Xuska Qaranimada Somaliland mid ay kaga jawaabayeen Xusaska Qaranimada loo qabto dalka aynu jaarka nahey ee Itoobiya ee hayaa Gunbooda ee dalkaasi laga xuso maalinta Qaranimada Itoobiya, Waxa siweyn uga dhex muuqdey Xuska Munaasibada Maalinta Qaranimada Somaliland ee 18ka May, waxayna halkaasi kusoo bandhigeen agabka hidaha iyo dhaqanka iyo khudaarta kala duwan ee ay Degmada Alleybadey ku caanka tahey dhinaca Waxsoosaarka Beeraha iyadoo siweyn looga ashqaraarey shucuurta dadweynaha iyo ciyaaraha hidaha iyo dhaqanka ee ay halkaa kusoo bandhigeen.

Gudoomiyaha Degmada Alleybadey Axmed Aw Ciise Maxamuud oo kumanaanka qof ee Xafladaasi kazoo qayb galay kala hadlay fagaaraha kheyriyada Degmada Allaybaday ayaa waxa uu aad ugu dheeraaday qiimaha Maalinta Qaranimada JSL ee 18 May, isaga oo faahfaahin ka bixiyay jidka dheer ee loosoo maray halgankii Qadhaadhee ee dib u xoraynta dalkan oo ay ku naf waayeen geesiyaal badan oo u huray nafdoodii, waxaanu Gudoomiyuhu sigaara u xusay in Madaxwaynaha Somaliland oo ka mid ahaa halgamayaashii dalkan uu manta meel adag iska istaagay Qadiyada Jiritaanka Madaxbanaanida Somaliland,kuna hambalyeeye guushii uu ka gaadhay Shirkii Turkiga iyo Xarunta lagu gorfeeyo Siyaasada Caalamiga ah ee dalka Maryakanka, isagoo dadweynaha Reer Alleybadey ku booriyay in ay muujiyaan Shucuurtooda islamarkaana,ay xoojiyaan Waxsoosarka Dhinaca Khudaarta kala Duwan ee ay dalka Somaliland ugu fadhiyaan Miisaan weyn iyo kaaliin Muhiim ah oo qeyb ka ah Dhaqaalaha Dalka.

Waxa kale oo Isaguna halkaa hadal ka jeediyay Xildhibaan Xasan Cabdi Cali(Xasan-shahar) Gudoomiyihii hore ee Degmada Alleybadey oo ka Hadley Qiimaha Maalinta Qaranimada Somaliland u leedahay Bulshada iy Mujtamaca Reer Somaliland guud ahaanba waxaanu Sheegay in ay Maanta gacanta ku hayaan Dadka Reer Somaliland waxey usoo shahiideen Mujaahidiinta Taalooyinkoodii Degmada Alleybadey ka dhisan yihiin Mujaahidiintii rag kamid ah.

Gudoomiyihii u horeeyay Degmada Alleybadey ahna Gudoomiyaha Xisbiga Kulmiye ee Degmada Alleybadey Maxamuud Yuusuf Cige ayaa isaguna halkaasi uga Jeediyay Dadweynaha Degmada Alleybadey hadal dheer oo ka xogwaramaya Waayaha iyo halganka loo Soo marey Maalinta Qaranimada Somaliland ee 18ka May, sidoo kale waxa halkaasi ka hadlay Yaasmiin Sheekh Ismaaciil oo ah Gudoomiyaha Ururka Haweenka Degmada Allaybaday iyo Maxamed Daahir Buraale oo isna ah Gudoomiyaha Ururka Muruqmaalka ee Deg. Allaybaday oo dhamaantood iyaguna ku dheeraaday qiimaha Maalintan Xuska Qaranimafa Somaliland ee Sideed iyo tobanka iyadoo Alleybadey manta siweyn looga dareemay Munaasibadaasi.

Xigasho Hadhwanaag

Wariye C/raxmaan-Hiiraan Hadhwanaagnews

Email:hiiraan2007@gmail.com

Somali-info kala soco warar dhex dhexaad ah had iyo jeer

Fikrad:(SIC)-g

Taariikhdu maalintay ku asteesneed 15 may 2013 ayaa wax mar qura is bedelay mowjadihii siyaasaded ee gobolada jubbooyinka xilli ay shacab waynaha dega goboladaasi ka soo kabanayeen jujuubkii iyo arxandaradii kooxdii argagixisada ahayd ee Al-shabaab ee laga xoreeyay gobolada Jubbooyinka, balse iminka mowjad kale oo colaadeed ay la soo deristay taaso nasiib xumo ay ku tilmamayaan shacabka Jbooyinka.

Magaalada Kismaayo oo ah xudunta gobolada Jubbooyinka ayaa waxay soo maartay heerar kale duwan tan iyo burburkii dalka iyadoo ay iskaga gacan danbeeyen kooxo badan oo siyaabo kala duwan ku yimaada, halka shacabka marasta ah ee ku dhaqana deeganadaasna aysan ku dhaqaaqin wax lidi ku ah kooxaha yimada taas badelkeedna ay muujiyaan la shaqayn buuxda si ay ugu nooladaan nabad badelkii uu is qabqabsi dhici lahaa ama dagaal lagu hoobto.

Iminka oo ay dalka dowlada rasmi ka jirto ayaa deeganada Jubbooyinka waxay arintooda noqotay biyo kama dhibcaan ay hareeraha ka tagan yihiin qowleesto Somaliyeed iyo kuwa kale oo calami ahba, kuwaas oo u hanqal taagaya natural resource uu ALLE ku maneestay deeganadaas, taasi oo hadii si ALLE ka cabsi ah ay Soomaalida u qaybsato ay ka badan tahay balse Soomaalida aysan ka muuqan imaankii ay wax isku deeqsiin lahayeeen..

Isku soo wada duuboa arrinta Jubooyinka ayaa waxay noqonaysaa mid ay ka dhalato cawaqib xumo haddii madaxweynasha is magacabay ee dowladaha shisheeye dabada ka riixayan aysan garan waxa danta ugu jirto ummadda Soomaliyeed, dowlada dhexe ee Somaliyana aysan ugu danbeeyn ayaaha dalka madama dowlada loo wakiishay in ay dalka ka arrimiso muddada afarta sano ee soo socota wax walba oo arrimaha wadanka quuseeyana ay hormuud ka ahaato inta NGO iyo dowladdo shisheeye ay hormuud ka ahaan lahaayeen..

ALLOW DHIBKA KA DULQAAD SHACABKA JUBBOYINKA IYO GUUD AHAN SHACABKA SOoMAaLIYEED EE DHIBATAYSAN….

Qalinkii:-Mohamed Abdirahman Ismail “Timo”

Selangor-Malaysia

Mahamed09@gmail.com

Fiiro gaar ah: Fikirkan waxa uu ku kooban yahay qoraha kor kuxusan

Somali-info kala soco warar dhexdhexaad ah had iyo jeer

Jimco:(SIC)-

Qoraal kasoo baxay xafiiska gudoomiyaha ururka Dr. Saadiq Eenow, kaas oo nuqul kamid ahi uu soo gaarey Somali-info, ayaa lagu sheegay in ururku uusan marna ka laaban doonin go’aankii uu horay u qaatay ee ahaa in aysan ka qayb geli doonin doorashooyinka soo socda.

Waxaa sidoo qoraalka lagu sheegay in ay suurtogal tahay in Puntland uu ka bilowdo qalalaase siyaasadeed, taas oo haddii ay dhacdo; uu mas’uuliyaddeeda ururku sheegay in ay qaadayaan mas’uuliyiinta hormuudka u ah xukuumadda xilligan ka arimisa Puntland.

Isimada, waxgaradka bulshada iyo ciidamada qalabka sida ayuu dhinaca kale ururka MIDNIMO ugu baaqay inay xil weyn iska saaraan, sidii ammaanka iyo xasiloonida ay Puntland caanka ku tahay loo sii adkeyn lahhaa.

Ugu danbeyntii waxaa bayaanka urur-siyaasadeedka MIDNIMO lagu xusay in ay tahay in sida ugu dhaqsaha badan lagu soo xulo xubno baarlamaan oo cusub; si doorashada soo socotaa ay u noqoto mid ku dhacda qaabkii hore ee ay baarlamaanku madaxweynaha u dooran jireen.

Ururka MIDNIMO wuxuu kamid ahaa kuwa ugu taageerada badan lixda urur-siyaasadeed ee ay aqoonsadeed guddiga kumeel gaarka ah ee doorashooyinka Puntland, inkasta oo horay ururkaasi uu u qaadacay kaqayb galka doorashada goleyaasha deegaanka ee Puntland, kaddib markii ay ku doodeen in hanaankii doorashadu u dhici lahayd ay wax badani iska bedeleen.

Somali-info kala soco warar dhexdhexaad ah had iyo jeer

Helsinki:(SIC)-Waxaa 3dii maalmood ee ugu dambeysay ee toddobaadkan ka socday magaalooyinka Helsinki, Turku & Pasila ee dalka Finland kulankii qoreyaasha Soomaaliyeed ee sanadkiiba mar lagu qaban jiray dalkaasi, waxaana sanadkan ka soo qeybgalay qoreyaal ka kala yimid dalalka Ingiriiska, Talyaaniga & Canada. 

Waxaa 3dii maalmood ee ugu dambeysay ee toddobaadkan ka socday magaalooyinka Helsinki, Turku & Pasila ee dalka Finland kulankii qoreyaasha Soomaaliyeed ee sanadkiiba mar lagu qaban jiray dalkaasi, waxaana sanadkan ka soo qeybgalay qoreyaal ka kala yimid dalalka Ingiriiska, Talyaaniga & Canada.

Qoreyaashii sanadkan ka soo qeybgalay waxaa ka mid ahaa:-

1. Prof. Cabdalle Cumar Mansoor,
2. Dr. C/qaadir Cali Boolaay
3. Dr. C/salaam Xaaji Max’ed
4. Max’ed Sheikh Xassan
5. C/casiis Cali Ibrahim “Xildhiban”
6. Bashiir Ismaaciil Cusmaan
Waxaa maanta ka furmay magaalada Helsinki ee dalka Finland carwo buugeedkii sanadkii 9aad. Kulankan waa bandhigga ugu weyn uguna fac weyn ee ka dhaca qaaradda Europe. Bandhiggan waxaa si wadajir ah u soo qabanqaabiya shirkadda daabacaadda buugaagta ee Scansom Publishers & maktabadda magaalada Helsinki.
Sidoo kale waxaa isna hadal soo dhaweyn & mahadnaq ballaaran ka jeediyay goobtaasi Xildhibaan C/raxmaan Max’ud Cali “JIIMI” oo mudane laga soo doortay deegaanka Espoo, ahna qabanqaabiyeyaasha joogtada ah ee barnaamijkan.
Dhinaca kale waxaa xusid mudan in kulankani ay gacan ka geysteen ururrada kala ah:-
Finland – Somalia association, Helina Ruatavaara Museum & Pasila Islamic Centre, Masaajidyada kala ah Itakuskus & ururka midnimada Soomaaliyeed ee Somalilitto
Haddaba muddadii uu socday kulankan waxaa ugu horreyn hadallo qiimo badan ka soo jeediyay Prof. Cabdalla Cumar Mansoor oo isugu ku dheeraaday qiimaha afka Soomaaliga & halgankii dheeraa ee loo soo maray & waajibaadka ruux walba oo Soomaali ah ka saaran horrumarinta & horay u dhiggiisa.

Dhinaca waxaa isna halkaasi ka hadlay Dr. C/qaadir Cali Boolaay halgankii dheeraa ee ummadda Soomaaliyeed u soo martay waxa dadka Soomaaliyeed ay ku faanaan ee AFKA Soomaaliga, Af Soomaaliguna uu yahay wax aka haray burburkii dowladnimo eek a dhacay dalkeena Soomaaliya.
Ugu dambeyntii waxaa iyagana hadallo aad u qiimo badan halkaasi ka soo jeediyay Max’ed Sheikh Xassan Nuur oo ah madaxa shirkadda daabacaadda buugaagta Soomaaliyeed ee Scansom Publishers, Qoraaga Soomaaliyeed C/casiis Cali Ibrahim “Xildhiban” & Dr. C/salaam Xaaji Max’ed oo dadkii Soomaaliyeed ee ka qeybgalay kulannadaasi ku dhiirigaliyay ka qeybgalka howlaha lagu horrumarinayo dhammaan dadaallada is biirsaday ee ay hormuudka ka yihiin Qoreyaasha Soomaaliyeed.

Qore: C/casiis Xildhiban 

Somali-info kala soco warar dhexdhexaad ah had jeer

Marwo Sahra Cumar oo goobta kahadashay ayaa waxa ay dumarka UK ugu baaqday inay dadaalkooda sii labuulaabaan isla markaana ay ka qeybqaataan horumarka dalkooda, bacdamaa ay horayba uga soo qeybqaateen badbaadinta dalka iyo dadka Soomaaliyeed.

Waxay xustay Marwada madaxweynaha in dumarka Soomaaliyeed ay noqdeen kuwii qoysaska Soomaaliyeed badbaadiyay markii wax kasta burbureen raggiina ay shaqo la’aan noqdeen, qaarkoodna ay wax ku noqdeen dagaallada.

“Sida aad la socotaan dumarka Soomaaliyeed muhiim u yahay in ay ka qeybqaataan soo celinta dowladnimadii Soomaaliya iyo weliba dib u dhiska dalka, sidaas darteedna waxaa laga idinka doonayaa in ay kaalinkiina muujisaan, aadna u diyaargarowdaan howsha baaxadda leh ee na hortaalla”ayay tiri Marwada Madaxweynaha Soomaaliya Marwo Sahra Cumar Xasan.

Waxaa sidoo kale munaasabadda ka hadlay qaar ka mid ah dumarkii munaasabadda ka soo qeybgalay, kuwaasi oo marwada madaxweynaha u soo jeediyay hadallo isugu jiray soo dhaweyn, ammaan iyadoo qaarkoodna ay u gudbiyeen talooyin ku saabsan sida ay u arkaan in dalka loo samatabixin karo.

Sidoo kale waxaa munaasabadan kasooq eybgalay Fanaaniinta Soomaaliyeed ee Uk, kuwaasi oo uu ka dhex muuqday fannaaniinta C/risaaq Gaadaco, Faadumiina iyo kuwo kale.

Hoos ka daawo sawirradda

Somali-info kala soco warar dhex dhexaad ah had iyo jeer

London:(SIC)-

Ra’iisul Wasaare David Cameron ayaa ku ammaanay Madaxweyne Xasan Sheekh Maxamud iyo dowladda Federaalka Soomaaliya horumarka baaxadda leh ee ay ka gaartay dhinacyo badan, sheegeyna inay weli jiraan caqabado farabadan oo u baahan in caalamku uu ka saacido Soomaaliya.

Madaxweynaha Soomaaliya oo khudbad taariikhi ah ku furay shirka London oo ay ka soo qeybgaleen in ka badan 54 dal iyo hay’adaha caalamiga ah oo ay ku jireen Madaxweynayaal iyo Ra’iisul Wasaareyaal ayaa u mahadceliyey Ra’iisul Wasaaraha Britain iyo doorkiisa saliimka ah ee uu markii labaad shir Soomaaliyeed ku qabto London labo sano gudahooda.

Madaxweynahu waxuu yiri “ Waxaa laga yaabaa in dadku is weydiiyo maxaa Soomaaliya waqtigan loo saacidayaa? Wallow ay jiraan horumar baaxad leh, haddana weli waxaa taagan caqabado fara badan oo u baahan in laga saacido shacabka Soomaaliyeed.” Madaxweynaha oo tusaale u soo qaaday geed yar oo uu ku tallaalay Madaxtooyada maalintii dhirta Soomaaliya 17kii April ayaa sheegay “In geedkaas yar uu u baahanyahay in la waraabiyo oo laga celiyo cayayaanka dili kara inta uu ka baxayo oo uu geed weyn ka noqonayo. Sidoo kale Soomaaliya waa geedkaas oo kale oo u baahan in si joogta ah looga warqabo inta uu ka xidideysanayo oo marka uu baxana ay dad badan ku raaxeysan doonaan, Soomaaliyana waa sidaas oo kale” ayuu madaxweynahu sheegay.

Madaxweynaha ayaa caalamka u sheegay “ In Dowladda uu hoggaaminayo ay tahay mid caalamku uu kalsooni ku qabi karo oo qorsheyaasha noo degsan ee dhanka amniga, garsoorka iyo dib-u-habeynta maaliyadda ay keeni karaan inay shacabka Soomaaliyeed ka saaraan dhibkii soo socday muddo 22 sano ah oo shacabku ay helayaan horumar iyo barwaaqo.”

Somali-info kala soco warar dhex dhexaad ah had iyo jeer

Arrintan ayaa timid iyadoo qorshaha shirkaasi uu ahaa in la gudagalo doorashada madaxweynaha Jubba-land, kadib markii sida lasheegay la dhamaystiray xulista ergada rasmiga ah ee codka ridanaysa ayaa shirka la galiyay hakad muddo aan cayinayn.

Hakadkan ayaa lagu fasiray inuu ka dhashay go’aamadii ka soo baxay shirkii ay magaalada Adis Ababa ku yeesheen Madaxda dalalka ku bahoobay IGAD kuwaaasoo ku wajahnaa qaabka arrinta maamul u samaynta sadexda gobol oo ay dawladda federaalku sheegtay in uusan shirkaasi waafaqsaneyn dastuurka dalka u yaalla, isla markaasna aan shirkaas laga siin kaalintii iyo doorkii ay ku lahayd dowladdu. .

Shirka Kismaayo ayaa hada maraya Ururinta Ergooyinka soo dooran lahaa Madaxda Jubaland, iyadoo markaasi kadib lagu waday in la qabto doorashada madaxtinimada maamulkaasi oo ay u taagan yihiin rag uu ugu horeeyo guddoomiyaha KMG ah ee Maamulka Kismaayo Sheekh Axmed maxamed islaam iyo xubno kale oo badan.

IGAD oo ahayd mida gadaal ka riixeysay habsami u socodka iyo dhiiri galinta shirkan ayaa codsatay in la hakiyo illaa iyo muddo aan cayinayn, balse loo maleynayo in la sugayo wafdi ka socda IGAD oo lagu wado inuu tago Kismaayo, kaasoo eegaya sida la sheegay muranka ka taagan shirkaasi, iyadoo wafdiga IGAD oo sidoo kale booqanaya magaalada Muqdisho uu hoggaaminayo xoghayaha guud ee urur goboleedka IGAD Maxbuub Macalin

Xigasho Dayniile.com

Somali-info kala soco warar dhex dhexaad ah had iyo jeer

Baydhabo:(SIC)-

Iskadaayee Xuquuqihii kale oo la dafirey waxay si ceeb ah xilkii ugu dambeeyey laga qaadey Taliyaha Ciidanka Boliiska waxaana loogu darey xilkaasi Qof daarood ah waana ceeb in dowlad dhan ay isku soo koobaan 2 beel ay kasoo kala jeedaan Xasan Sh.Max’ud & Saacid.

Waxaan ugu baaqayaa Xildhibaanada DM iney sii wadaan soo dhicinta xaqa DM ee ka maqan dhinaca dowlada waana ku raja weynahay inaad soo dhicin doontaan ee yaan la idin kala furfuran ayaa dardaadrii Guurow ku jirtey.

 Guurow ayaa sidoo kale ugu baaqey Malaaqyada iyo jiilka cusub ee soo koraya Dm iney fadhiga ka kacaan oo ay xaqooda raadsadaan amaba ay lamid noqdaan Somaliland oo ay isku soo taagaan Gooni waayo waa waxaa tihiin dad af leh, dhul leh dad leh noolaan karana hadiiay soomaalida kale ka go’daan.

Halkan ka dhagayso

Somali-info kala soco warar dhex dhexaad ah had iyo jeer

Malaysia:(SIC)-

Ogaysiis la soo dhigay page-ka ay ku kala warqaatan ardayda somaliyeed ee dalka Malaysia ayaa lagu war galiyay in ay taxadar mujiyaan xilli laga cabsi qabo doorashada ka dhacaysa dalka Malaysia, waxaana loogu baaqay dhamaan somalida ku nool dalkaan ee ardayda u badan in ay malmaha doorashada socota ay dhaqdhaqaqa yareeyan si ay ugu nabad galaan wax walba oo Qatar galin kara madama aysan joogin dalkooda hooyo.

Sidoo kale qaar ka mid ah aqoonyahanada somaliyeed ee inta badan u soo joogay doorashooyinkii hore ee ka dhacay dalka Malaysia ayaa sidoo kale baaq midkaas la mid ah soo bandhigay, aqoonyahan C/raxmaan Ceymow oo xiriir la soo sameeyay qaar ka mid ah wakiilada warqabadka ee ku sugan dalka Malaysia ayaa baaq ku aadan maalinta doorashada u soo jeediyay guud ahaan somalida dalkaan ku dhaqan wuxuuna ku gubaabiyay in aysan guryahooda soo dhaafin inta lagu dhawaaqayo hogaamiyaha rasmiga ah ee hogaamin doona dalka Malaysia shanta sano ee soo socota, sidoo kale wuxu ugu baaqay in aysan passport ay dalka ku joogan qof walba oo dan ka leh magaalada uu jeebkiisa ku heesto si uu ugu badbado wax walba oo wax u dhimi karo mustaqbalkiisa iyo weliba caafimadkiisa.

Saafarada Somaliyeed ee dalka Malaysia ayaa ilaa hada baaq midkaas la mid ah uusan ka soo yeerin xilli ay doorashada ka harsan tahay maalin qura, waxaana taasi loo badinayaa in uusan jirin wax xiriir fiican oo ka dhaxeeya safaarada somaliyeed ee dalka Malaysia iyo weliba qaybaha kale ee bulshada , madama safarada loogu fadhiyay in mar hore ay shacabka ay matasho ee ku nool dalka Malaysia baaq arintaas ku aadan u soo gudbiso.

Sida lawada ogsoon yahay waxaa dalka Malaysia malinimada axada ah ka dhici doona doorashadii madaxtinimo oo ay ku wada tartamayaan xisbiga hada talada dalka haya ee Barisan National (BN) kasoo ka kooban xisbiyo isbaheeysatay, waxaana BN hogaaminaya ra’isul waraasaha iminka talada malaysia haaya Datuk Najib Tun Abdurazak, waxuuna la tartamidoonaa isbaheeysatada mucaaridka oo lagu magacaabaa Pakatan Rakyat ( PR), waxaana hogaaminaya Anwar Ibrahim oo hore raisal wasaare ugu soo noqday Malaysia, PR waa xisbiga iminka loo badinayo in uu ku soo baxayo doorashada madama ay hoos yimaadan xisbiyo kale oo aad shacbiyada shacabka reer Malaysia u heesta, oo uu ka mid yahay xisbiga islamiga ah ee PAS.

Isku soo wada duubow baaqan ayaa imaanaya xilli ay jirto cabsi xaga amaanka ah oo ay muujinayaan ajaaniibta dalkaan ku nool oo u badan arday, madama xilliyadan oo kale ay aad suuqa u soo galaan qawleesato burcad ah oo ugaarsanaysa ajaaniibta dalkaan ku nool, sidoo kalena ciidamada amaanka ay cid walba oo aan sharci wadan gacanta ku dhigaya madama wadanka xaalad isbedel uu galaayo, inta badana jamacadaha iyo koleejyada dalkana ay fasax ku aadan doorashada ay galeen.

Mohamed Abdirahman Ismail “Timo”

Penang-Malaysia

Mahamed09@gmail.com

Somali-info kala soco warar dhex dhexaad ah had iyo jeer

Gaalkacyo:(SIC)-

OO logu tartamayey finalka ciyaarta aya waxa so buux dhaafiyeen  dad weyne aad u tirabadan oo kala tageerayey labada magaalo o kala ah Gaalkcyo vs mukono ciyaarta aya waxay ku bilaabatay jawi dagan waxana halkas oo ay ku soo bandhigeen ciyaar wanag aad u sareeysa oo dad weynihii soo daawaasha tagay aad ugu qanceen  labada  magaalo Gaalkacyo vs mokono tageerayaasha kooxda  magaalada gaalkcyo.

Aayaa aad looga dareemayey   sacab iyo xamaasad ayago lulayey calamada soomaaliya iyo puntland waxana ciyaarta ku so dhamatay Gaalkacyo 58 mukono 71 magaalada Gaalakcyo ayaa noqotay magaaladi ugu horeeysay ee Soomaaliya matalaysay 15 sano oo soo gaarta  same final waxana mahadaas iska leh Allah  kladiban waxa mahad balaaran leh mudane Abdirashid hassan Bakin IYO  Cabdiqani Carabey o u so halgamay tartanka in u hergalo ayaado ay kala kulmeen caqabado badan finalkani ay ku guuleestay in aay Gaalkacyo ka qeeb gasho tartanka magaaloyinka bariga iyo bartamaha africa  waxa kalo mahad leh AMAL EXPRESS  GOLIS TELECOM Dr HASHI  CITY OIL   PLANET  EAGAR iyo XAREED PETROLEUM oo  gacan weyn ka gestay tartanka magaaloyinka bariga iyo bartahama africa Gaar ahan magalada Gaalkacyo in ay ka qeeb gasho waana wax guul ah o aan la hilmaami karin  waxa sigaar ah u xuseeyna dhalinyarada har iyo habeen ka shaqeeysay so dhaweenta .

 Kooxda magalada Gaalkacyo kala ah Maxamed Gabax Axmed cabdiqaadir macalin iyo ardayda rer puntland o har iyo habeen na garabtagna tageero niyaad wanagsan si aan u gaarno heer wanagsan o qaali ah tartanka gaba gabadi waxa tartanka ka hadlay mudane Abdirashiid hassan Bakin ayaa fariin u diray  dhamaan bahda rer puntland sidi lo garab istaagi laha  sports puntland kana qeeb galan tartamada caalamiga ah sida tartanka o kale magaaloyinka bariga iyo bartamaha  africa iyokuwo caalami ah abdiqani carabey o ah ninka hogaaminaya ciyaartoyda Gaalkacyo  ayaa asagana sheegay in ay jiraan bahi badan xaga sports si loo helo tageero xaga aqoon iyo xag dhaqaale taasna waxay ka imaan karta dadka dibada iyo dalka joga waxana aan rajeeneyna in aan sanaka danbe aan keeno magaaloyin badan o ka mid tahay Garowe Bosaso Qardho si aay isku bartaan magaaloyinka africa

Cabdiqani Khaliif

Gaal-kacyo-Somaliya

Somali-info kala soco warar dhex dhexaad ah had iyo jeer