Hargeysa:(SIC)-Shirkad laga leeyahay dalka Australian oo lagu magacaabo Jacka Resources ayaa heshiis la gashay shirkadda kale ee Petrosoma Limited inay siiso 50% baadhitaanka Saliida Balooga 26-aad ee Somaliland, sida ay sheegtay shirkada Jacka.

Baloogan oo Baaxadiisu tahay 22,000 Kilometre oo isku wareeg ah ayaa lagu magacaabay Habra Garhajis, kaas oo hore loo odhan jiray Balooga 26-aad ayaa ku yaala Koonfur-Galbeed ee Somaliland.

Mandaqada uu ku yaalo Baloogan ayaa la sheegay inuu geology ahaan shabaho goobaha saliida laga helay ee dalalka Uganda iyo Yemen.

Somaliland ayaa madaxbanaanideeda ku dhawaaqday 1991, taas oo ku naaloonaysa degenaano iyo Xasilooni marka la barbar dhigo Somalia oo muddo 20 sano ah ay ka socdeen dagaalo, inkasta oo Somaliland ay baaqi ku ahayd Ictiraaf la’aan beesha caalamka aanay ka helin.

“Maamulka Shirkada Jacka waxa ay muddo dheer rumaysnayd in Somaliland ay leedahay Muhiimad balaadhan” sidaasi waxa war murtiyeed ku yidhi Guddoomiyaha Shirkada Jacka, Scott Spencer.

Intii uu socday Heshiisku, shirkada Jacka waxa ay ahayd mid shaqaynaysay, ayuu mar murtiyeedku intaasi raaciyey.

Balooga Habra Garhajis ee 26-aad ayaa waxa la xaqiiqsaday inay ku sii jiraan qaybaha SL6, SL7 iyo 10.

Jacka ayaa waxa ay ka hawlgali doontaa sahaminta ugu yaraan 500kms oo baadhis lagu samaynayo.

Bishii November ayay dawladda Somaliland sheegtay in shirkadda Ophir Energy, Asante Oil Iyo Prime Resources ay saxeexeen heshiis ay 18 bilood ku samaynayaan sahamin iyo cilmi baadhis lagu ogaanayo goobaha ama Ceelasha Saliidu ku jirto ee Somaliland.

Warku muu sheegin cida leh shirkada Petrosoma, hase yeeshee sida ay dad khubaro ahi ay Haatuf u sheegeen waxa jirta in xukuumadii hore ee Madaxweyne Rayaale ay dad badan Liisamo u siisay baadhitaanka Batroolka dhulka Somaliland, kuwaas oo inta badan ka koobnaa shakhsiyaad dilaaliin ah oon iyagu haysan maalgalin ku filan oo ay ku fulin karaan hawlaha caynkaas ah.

 Somaliinfo kala soco warar dhex dhexaad ah had iyo jeer