126 xildhibaan oo mooshin u gudbisay guddoonka BF

0
111

Muqdisho (Caasimadda Online) – Caasimadda Online ayaa ogaatay in Xildhibaano ka tirsan Baarlamaanka Soomaaliya ay gudbiyeen mooshin ku saabsan maqaamka Caasimadda Soomaaliya ee Muqdisho.
Sida aan xogta ku helnay Xildhibaanada mooshinka gudbiyey ayaa gaarayo illaa 126 Xildhibaan, waxaana hormuud u ah Cabdulqaadir Cosoble, oo soo diyaariyey mooshinka, kana saxiixay xildhibaanada kale.
Mooshinkaan oo loo gudbiyey guddoonka Baarlamaanka ayaa waxaa la qabtay Maanta oo ay taariikhdu tahay 30/12/2019 sida ku cad waraaqda mooshinka ee la gudbiyey.
Xildhibaanada Mooshinka gudbiyey ayaa sheegay in mooshinkooda uu waafsaqsan yahay qodobka 9-aad ee dastuurka Soomaaliya oo dhahayo: “Maqaamka Magaalada Madaxda Federaalka Soomaaliya waxaa go’aan looga gaari doonaa dib u eegista Dastuurka, waxaana sharci gaar ah kasoo saari doono labada aqal ee Baarlamaanka Federaalka Soomaaliya”
Mooshinkaan ayaa waxaa ololahiisa waday muddo waday Xildhibaan Cabdulqaadir Cosoble, oo ay ka go’an tahay sidii ay Muqdisho u heli laheyd maqaamkeeda.
Halkaan hoose ka akhriso waraaqda mooshinka ee loo gudbiyey guddoonka Baarlamaanka





SOURCE: 126 xildhibaan oo mooshin u gudbisay guddoonka BF

Leave a Reply

This site uses Akismet to reduce spam. Learn how your comment data is processed.