|

87 ka mid ah culimada ugu caansan Islaamka oo ku dhowaaqay go’aan ka dhan ah Imaaraadka Carabta

Tripoli (Caasimada Online) – 87 ka mid ah culimada ugu caansan dunida Islaamka, ayaa Carabta iyo Mulimiinta kale ugu baaqay inay ku dhaqaaqaan qaadacaad siyaasadeed iyo mid dhaqaale oo ka dhan ah Imaaraadka Carabta.
Waxay Imaaraadka Carabta ku eedeeyeen inay fuliyaan shirqoolo ka dhan ah Muslimiinta Islamarkaana ay ku cayaarayaan nolosha Muslimiinta dalalka Yemen iyo Libya.
Culimada ayaa bayaan ay soo saareen waxay ugu baaqeen ganacsatada muslimiinta ah inay ka guuraan Imaaraadka Carabta, islamarkaana ay qaadacaan inay waxa kala soo degaan dekedaha dalkaas, sababtoo ah waa mid ka mid ah ilaha dhaqaale ee ugu weyn Imaaraadka.
Waxay sheegeen in Imaaraadka Carabta ay dhaqaalahooda u adeegsanayaan inay ku dilaan Muslimiinta, ku iibsadaan calooshood u shaqeystayaal, ku agaasimaan afduubyo ka dhan ah dowlado sharci ah, islamarkaana ay ku hor-istaagaan rajada dadka Carabta ah ee sameynaya kacdoonada si ay isaga dul-qaadaan maamullada daba-dhilifyada ah ee caburinta ku haya.
“Imaaraadka waxay sidoo kale shirqoolaan walaalaha Falastiin ayaga oo la safan Yahuudda.” Ayaa lagu yiri bayaanka.
Culimada ayaa baaqooda saldhigga ugu dhigay aayadaha qur’aanka iyo axaadiista sheegaya “inay qasab tahay in cadowga la wiiqo dhaqaale ahaan, si looga hortago burburka iyo fisqiga ay ku fidinayaan dhulka Islaamka.”
Caasimada Online
Xafiiska Muqdisho
caasimada@live.com




SOURCE: 87 ka mid ah culimada ugu caansan Islaamka oo ku dhowaaqay go’aan ka dhan ah Imaaraadka Carabta

DAAWO WAREYSI IYO JAWAAB UU M. FARMAAJO KA BIXIYEY

Leave a Reply

DAAWO WAREYSIGA MADAXWEYNAHA

Recently Commented

  • Abdulqadir Tallman: Madaxweyne Farmaajo oo ka qayb galay aas Qaran oo loo sameysay Saraakiishii lagu dilay nawaaxiga...
  • Abdulqadir Tallman: Yaa qaadanaya lacag ay soo daabaceen Farmaajo iyo qashinka ku hareereysan? Yaa tuugo ku aaminaya...
  • Abdulqadir Tallman: Xeer ilaaliyaha ayaa sheegay in baaritaan ay ku wadeen xafiiska Wasiir ku-xigeenka Wasaaradda...
  • Abdulqadir Tallman: Ololaha uu waayadan ku hayay Raiisulwasaare Kheyre baa halkaa la galy ee Farmaajo isaga iyo...
  • Mohamed Ali Hassan: Application