Ciidamada Dowlada oo xukun dil ah ku fulisay 3 nin oo ka tirsanaa Al-Shabaab

0
46

jowhar Somali News Leader
Maxkamadda Ciidamada qalabka sida ee Soomaaliya ayaa saaka xukun dil ah ku fulisay saddexda nin oo loo heystay weerarkii lagu qaaday Hotelka Naasahablood 2 ee Magaalada Muqdisho sanadkii 2017.
Saddexda Nin ee saaka Maxkamadda xukunta dilka ah ku fulisay ayaa kala ahaa Farxaan Maxamed Samatar,C/naasir Dhaqane&Abshir Maxamed Xaaji.
Raggan ayaa lagu eedeeyay in ay fuliyeen weerarkii Hotel Naasahablood 2 lagu qaaday 28kii October 2017kii, xilligaas oo ay ku dhinteen dad ka badan 20 qof.
Maxkamadda darajada 1aad ee Ciidamada iyo midda sare ee Ciidamada ayaa waxaa ay dil hore ugu xukumeen ragga saaka la toogtay ee lagu helay in ay ka tirsanaayeen Al-shabaab.
Dowladda Soomaaliya ayaa xukunkan fulisay muddo dheer kaddib iyada oo dhowr jeer dhaleeceyn kala kulantay Hay’adaha u dooda xuquuqda aadanaha ee diiddan fulinta xukunnada dilka ah.
Waxana fulinta xukunkan uu ku soo beegmayaa toddobaad kadib markii ururka Al-Shabaab ay toogasho ku fuliyeen illaa 17 ruux oo ay ku eedeeyeen inay ka mid ahaayeen ciidamada dowlada federalka.
The post Ciidamada Dowlada oo xukun dil ah ku fulisay 3 nin oo ka tirsanaa Al-Shabaab appeared first on Jowhar.




SOURCE: Ciidamada Dowlada oo xukun dil ah ku fulisay 3 nin oo ka tirsanaa Al-Shabaab

Leave a Reply

This site uses Akismet to reduce spam. Learn how your comment data is processed.