Dad ku Sumoobay Raashin ay cuneen oo caawa la dhigay mid ka mid ah Isbitaalada Muqdish

0
98

jowhar Somali News Leader
Isbitaalka Banaadir ee degmada Wadajir ayaa caawa la dhigay 35 qof oo Haween iyo Caruur isugu jira kana mid ah qoysaska barakacayaasha, kuwaasoo la sheegay inay ku Sumoobeen Boorash ay hay’ad bixisay oo ay cuneen.
Guddoomiye kuxigeenka dhanka arrimaha bulshada Gobolka Banaadir Basmo Caamir Shakeeti,ayaa Warbaahinta u sheegtay in maamulkooda iyo Wasaarada Caafimaadka Soomaaliya ay iska kaashanayaan baaritaan lagu ogaanayo halka ay Caafimaad darada ka timid.
Shacabka ku dhaqan magaalada Muqdisho ayay fartay in aysan Isticmaalin Raashinka lagu kariyo Jikooyinka ama MCH-yada ku yaala Caasimada, si aysan u kordhin tirada dadka waxyeelada ay ka soo gaarto Boorashka loo qeybiyo dadka danta yar isagoo karsan.
Basmo Caamir Shakeeti ayaa dhinaca kale sheegtay in aysan garan Karin hay’ada bixisay Raashinkan lagu Sumoobay, maadaama sida ay tiri hay’ado badan ay ka howlgalaan goobaha ay ku suganyihiin dadka Barakacayaasha ah ee ku nool magaalada Muqdisho.
Hay’adaha gargaarka ee dalka ka hawlgala ayaa lagu eedeeyaa inay bixiyaan Cunto waqtigeeda la dhaafay, maadaama uusan dalka dalka ka jirin Sheybaarkii lagu ogaan lahaa tayada waxa la siticmaalayo, waxaana taas ay dhibaato u keenta dadka danta yar ee ay siiyaan.
The post Dad ku Sumoobay Raashin ay cuneen oo caawa la dhigay mid ka mid ah Isbitaalada Muqdish appeared first on Somali News Leader.




SOURCE: Dad ku Sumoobay Raashin ay cuneen oo caawa la dhigay mid ka mid ah Isbitaalada Muqdish

Leave a Reply

This site uses Akismet to reduce spam. Learn how your comment data is processed.