Dhageyso: Hadalkii Mursal ee xalay oo su’aal dhaliyey

0
268

Muqdisho (Caasimada Online) – Guddoomiyaha baarlamaanka Maxamed Mursal Sheikh C/raxmaan ayaa ka hadlay howlaha u yaala baarlamaanka iyo waxyaabaha ay qaban doonaan kalfadhiga Shanaad ee soo socdo.Guddoomiye Mursal ayaa sheegay in kalfadhiga soo socda ay xooga saari doonaan sharciga doorashooyinka dalka iyo dastuurka dalka oo qabyo ah, isaga oo sheegay inay u diyaarin doonaan sidii afti loogu qaadi lahaa.Dhinaca guddoomiyaha baarlamaanka ayaa ka dhawaajiyay hadal rajo weyn gelinaya xukuumadda Soomaaliya, wuxuuna sheegay in baarlamaanka marnaba uusan dumin doonin xukuumadda Soomaaliya.Gudoomiyaha waxaa uu sheegay in ay muhiim tahay in dadka Soomaaliyeed ay Ogaadaan in Golaha Shacabka ay yihiin Hay’ad Sharci dejin ah oo loogu tala galay in ay la xisaabtanto Xukuumadda Soomaaliya, balse aan loo dhisin inay xukuumadda dumiyaan.“Waxaan rabaa inaan idiin cadeeyo marar badan waxaan ku celcelinay in hay’addan baarlamaanka u dhisan tahay inay wax dhisto ee uma dhisno inay wax dumiyaan, wuxuu u dhisan yahay inuu lala xisaabtamo Hay’adda Fulinta ee uma diyaarsana in hay’adda fulinta uu dumiyo”ayuu yiri guddoomiye Mursal.Mursal ayaa xusay in Xukuumadda Soomaaliya looga fadhiyo soo gudbinta sharciga doorashooyinka Qaranka iyo in Afti dadweyne loo qaado dastuurka ka hor inta aan la gaarin doorasho qof iyo cod ah. https://www.caasimada.net/wp-content/uploads/2019/01/Cod-1-Rijaal.mp3Caasimada Online Xafiiska Muqdisho Caasimada@live.com




SOURCE: Dhageyso: Hadalkii Mursal ee xalay oo su’aal dhaliyey

Leave a Reply

This site uses Akismet to reduce spam. Learn how your comment data is processed.