Faah Faahin: Qaraxa Dhuusamareeb iyo Khasaaraha ka dhashay

0
34

jowhar Somali News Leader
Faah faahin ayaa ka soo baxaya qarax ismiidaamin ah oo goor dhoweyd ka dhacay magaalada Dhuusamareeb, iyadoo qof ku xirnaa waxyaabaha qarxa uu isku qarxiyay maqaayad ku dhow Xarunta INJI.
Sida wararku sheegayaan qaraxa ayaa waxaa ku dhintay qofkii isa soo miidaamiyay, halka shan ruux oo mid ay haweeney aheyd ay ku dhaawacmeen.
Wararka ayaa intaa ku daraya in qofka is qarxiyay uu muddo fadhiyay maqaayad yar oo ku dhow Xarunta INJI oo uu ka howlgalo Madaxa Xukuumadda Sheekh Maxamed Shaakir.
Xaalada magaalada Dhuusamareeb ayaa ah mid degan, waxaana goobta qaraxa uu ka dhacay soo buuxiyay ciidamada amniga, kuwaasoo xiray wadada iyo aagga ay wax ka dhaceen.
Muddooyinkii u dambeeyay waxaa magaalada Dhuusamareeb ku sugnaa wafdi uu hoggaaminayay Ra’iisul Wasaare Xasan Cali Kheyre, waxaana maalintii shalay gaaray magaaladaas wafdi ka socday dowladda Qatar.
The post Faah Faahin: Qaraxa Dhuusamareeb iyo Khasaaraha ka dhashay appeared first on Jowhar.




SOURCE: Faah Faahin: Qaraxa Dhuusamareeb iyo Khasaaraha ka dhashay

Leave a Reply

This site uses Akismet to reduce spam. Learn how your comment data is processed.