Kolonyo ka tirsan ciidamada AMISOM oo qarax lagula eegtay magaalada Muqdisho

0
8

Muqdisho (Caasimadda Online) – Wararka naga soo gaarayo Magaalada Muqdisho ee Caasimadda Soomaaliya ayaa sheegayo inuu halkaas ka dhacay Qarax laga maqlay xaafado badan oo ka tirsan Magaalada.
Qaraxaas ayaa la sheegay in lala eegtay kolonyo ka tirsan Ciidamada AMISOM oo marayey wadada General Daa’uud ee kala qeybiso degmooyinka Yaaqshiid iyo Wart Nabadda.
Wararka hordhaca ah ayaa sheegayo in Qaraxaas loo adeegsaday baabuur laga soo buuxiyey waxyaabaha qarxo sida ay Caasimadda Online u sheegeen dad goob joogayaal ah inkastoo warar kalana ay sheegayaan inuu ahaa Qarax meesha lagu diyaariyey.

Qaraxa kadib ayaa waxaa rasaas culus ooda ka qaaday Ciidamadii AMISOM ee weerarka lala eegtay waxaana lasoo sheegayaa inuu jiro khasaaro ka dhashay Qaraxa iyo rasaasta ay ciidamada AMISOM rideen.
Xaaladda Jidka General Daa’uud ayaa weli kacsan, waxaana xirtay Ciidamada AMISOM oo u diiday dadweynaha iyo Gawaarida inay halkaas maraan maadaama lasoo sheegayo in mid kamid ah kolonyadii ay wateen ay waxyeelo soo gaartay.
Weli si rasmi ah looma helin khasaaraha ka dhashay Qaraxa iyo rasaasta Ciidamada AMISOM, waxaana idinkugu soo gudbin doonaa wararkeena soo socdo Inshaa Allah.




SOURCE: Kolonyo ka tirsan ciidamada AMISOM oo qarax lagula eegtay magaalada Muqdisho

Leave a Reply

This site uses Akismet to reduce spam. Learn how your comment data is processed.