Madaxweyne Farmaajo oo kormeer kedis ah ku tegey Xarunta Taliska Booliska

0
55

jowhar Somali News Leader
Madaxweynaha Jamhuuriyadda Federaalka Soomaaliya Maxamed Cabdullaahi Farmaajo ayaa kormeer kedis ah ku tegey maanta  Xarunta Taliska Booliiska isagoo la kulmay Taliyaha Ciidanka Booliska S Gaas Bashiir Cabdi Maxamed iyo Saraakiisha kale ee taliska, wuxuuna kala hadlay sidii loo xoojin lahaa wada shaqeynta ka dhaxeysa Booliiska iyo Shacabka.
Taliye Kuxigeenka Booliska Sareeye Guuto Sakiya Xuseen Axmed ayaa ka warbixisay Kormeerka Kadiska ee Madaxweynaha iyo Waxyaabaha uu kala hadlay.
“Waxaa si kadis ah noogu yimid Madaxweynaha Soomaaliya annagoo ku guda jirna Shirka amniga Guud, Madaxweynaha wuxuu la dardaarmay Saraakiisha Howgalada ku jirta, isagoo si gaara u xusay in Bulshada lala shaqeeyo, Howlgaladana la xoojiyo”.ayay tiri Sareeye Guuto Sakiya Xuseen Axmed.
Mudane Farmaajo ayaa Booliska ku bogaadiyey hawlaha lixaadka leh ee Qaranka ay u hayaan, hadana waxa uu hoosta ka xariiqay in marnaba aan la aqbali karin in dhibaato soo gaarto shacabka oo ah kuwa loo adeegayo sida ay sheegtay Sakiya Xuseen Axmed.
“Madaxweynaha waa Madaxweyne Bulsho Fariinta uu Bulshada ka waday ayuu nala wadaagay, wuxuu si weyn ugu dardaarmay inaan lagu xadgudbin Bulshada, anagoo sugida Amniga Ahmiyada Koowaad siineyna hadana Bulshada loo naxariisto”.
Booqashadan ayaa timid kadib markii dhowaan magaalada Muqdisho uu ka dhacay banaanbax rabshado wata oo ay dad ku dhinteen.
Banaanbaxa ayaa ka dhashay kadib markii mid kamid ah ciidamada uu diley wade bajaaj iyo qof kale oo uu la socday.
The post Madaxweyne Farmaajo oo kormeer kedis ah ku tegey Xarunta Taliska Booliska appeared first on Somali News Leader.




SOURCE: Madaxweyne Farmaajo oo kormeer kedis ah ku tegey Xarunta Taliska Booliska

Leave a Reply

This site uses Akismet to reduce spam. Learn how your comment data is processed.