Istanbul (Caasimada Online) – Madaxweyne Recep Tayyip Erdogan ayaa lagu dhawaaqay inuu ku guuleystay doorashada madaxweynaha Turkiga, isaga oo ilaa iyo hadda haysta 53% codadka la tiriyey.
Erdogan ayaa haysta 53% codadka ilaa hadda la dhiibtay, halka ninka ugu dhow ee Muharrem Ince uu haysto 30.2%, waxaana la tiriyey 90% codadka, sida warbaahintan dowladda ay ku warrantay.
Codadka haray, ayaanay ku filneyn xitaa haddii uusan helin Erdogan, inay ka hor-istaagto guusha, sidaa darteedna waxaa la shaaciyey inuu hantay guusha.
Erdogan ayaa u baahnaa inuu ku guuleysto wax ka badan 50% codadka, waxa ayna taasi meesha ka saartay in wareeg labaad oo doorasho ah la galo sideedda bisha July.
Ka sokow doorashada, waxaa dadka codkooda ay ka dhiibteen doorashada baarlamanka, waxaana hoggaaminaya xisbiga madaxweyne Erdogan ee AKP, oo haysta 43% codadka illaa iyo hadda la dhiibtay.
Doorashada ayaa waxaa codkooda ka dhiibtayb 87% dadkii sharciga u lahaa inay codeeyaan.
Doorashada oo la qorsheeyey inay dhacdo bisha November ee sanadda 2019, ayaa waxaa soo hormariyey madaxweyne Erdogan.
Caasimada Online
Xafiiska Istanbul
Caasimada@live.com
READ MORE FROM THE SOURCE: Natiijada rasmiga ah ee doorashada madaxweyne ee Turkiga oo soo baxday
