Sawirro: Sidee ayuu ABIY sanado badan kadib Addis ababa ugu marxabeeyay Wasiirada ka socda dalka Eritrea?

0
141

Addis Ababa (Caasimada Online)-Wafti heer sare oo ka socda dalka Eritrea ayaa sanado badan kadib maanta gaaray magaalada Addis Ababa ee xarunta dalka Ethiopia.
Wafdigan ka socday Eritrea ee gaaray Addis Ababa ayaa ka dagay garoonka diyaaradaha caalamiga ee Bole halkaas oo u kusoo dhaweeyay Ra’iisiuul wasaaraha Itoobiya Abiy Axmed.
Wafdigan ayaa waxaa hoggaaminaya wasiirka arrimaha dibadda Eritrea Cismaan Saalix iyo la taliyaha madaxweynaha Gebreab, waxa ayna Xarunta Madaxtooyada Ethiopia wahadallo kula yeelan doonaa Madaxda ugu sareysa Dowlada Ethiopia.
Labada dhinac ayaa wadahadalka ugu badan ka yeelan doona sida lagu soo afjari lahaa dagaalkii ka taagna xadka labada dal.
Ra’isul wasaaraha Ethiopia Abiy Axmed ayaa 5-ta bishan June shaaca ka qaaday inuu u hoggaansamayo islamarkaasna dhaqan gelinaya heshiiskii 2002-dii ay wada galeen Eritrea iyo Ethiopia sii loo soo afjaro daagalka xadka siiba magaalada ay ku muransan yihiin ee Badme.
Ballanqaadka Madaxweynaha Eritrea Isaias Afwerki ayaa jawaab u ahaa mid hore oo uu sameeyey ra’iisul wasaaraha isbeddel doonka ah ee Ethiopia Abiy Ahmed, kaasi oo sharfaya heshiiskii ay labada dal kala saxiixdeen sanaddii 2000 ee lagu soo geba gebeynayey dagaal xudduuda ka socday laba sano.
Ethiopia ayaa muddo diidaneyd inay aqbasho qodobada heshiiskaas, oo ay ku jirtay inay ka baxdo magaalada xuduudda ku taal ee Badme.
Ra’iisul Wasaare Abiy Ahmed ayaa tan iyo markii uu talada dalka la wareegay bishii April la soo baxay siyaasad furfurnaan iyo is bedelo uu ka hirgeliyay gudaha dalkiisa iyo gobolkaba, taasoo wax ka bedeshay hab dhaqankii Itoobiya looga bartay 20-kii sano ee u dambeeyay.
Sidoo kale, Ra’iisul Wasaare Abiy Ahmed ayaa ku dhawaaqay in Eritrea uu dib ugu celin doono dhul badan oo ku yaalla xadka kuwaa oo laga qabsaday Eritrea.
Labada dal ayaa xilligan diyaar u ah inay dardar geliyaan heshiiskii nabadeed ee lagu saxiixay Algeria sanadkii 2000.






READ MORE FROM THE SOURCE: Sawirro: Sidee ayuu ABIY sanado badan kadib Addis ababa ugu marxabeeyay Wasiirada ka socda dalka Eritrea?

Leave a Reply

This site uses Akismet to reduce spam. Learn how your comment data is processed.