Sawirro: Uhuru oo shaaciyey farriintii uu Kheyre uga keenay Farmaajo kadib kulan ka dhacay Nairobi

0
72

Nairobi (Caasimada Online) – Ra’iisul wasaaraha Soomaaliya, Xasan Cali Khayre, oo shalay Kenya ku tegay booqasho rasmi ah ayaa maanta magaalada Nairobi kulan kula yeeshay madaxwaynaha dalkaas, Uhuru Kenyatta.Ra’iisul Wasaare Xasan Cali Khayre iyo Madaxwayne Uhuru Kenyatta ayaa ka wada hadlay adkaynta xariirka soo jireenka ah ee labada dawladood iyo iskaashiga dagaalka ka dhanka ah argagaxisada, waxa ayna isla garteen in xoojinta xariirka labada dawladood ka dhexeeya uu muhiim u yahay Horumarka iyo xasiloonida gobalka geeska Afrika.Ra’iisul Wasaaraha oo madaxwayne Kenyatta u muujiyay sida ay muhiim u tahay in loo midoobo xasilinta iyo nabadaynta gobalka ayaa dawladda Kenya u ballan qaaday in Soomaaliya ay ku garab taagantahay dagaalka ka dhanka ah argagaxisada.Madaxweyne Kenyatta ayaa dhinaca kale qoraal uu soo dhigay bartiisa twitter shaaca uga qaaday farriin Kheyre uu ka siday madaxweynaha Soomaaliya, Maxamed Cabdullaahi Farmaajo.“Waxaan aad ugu faraxsanahay inaan marti-geliyey ra’iisul wasaaraha Soomaaliya, oo ii siday farriin qalbi wanaajin iyo tacsi ah igaga siday madaxweyne Farmaajo, kadib weerarkii ay argagxisada ka fuliyeen Riverside” ayuu yiri Uhuru Kenyatta.Madaxwayne Kenyatta ayaa bogaadiyay wadada saxda ah ee Soomaaliya ay ku taagantahay dhaqaale ahaan, bulsho ahaan iyo xariirka wanaagsan ee ay la leedahay bah-wadaagta caalamka, waxa uuna ballan qaaday in Kenya ay sii wadi doono taageeradeeda dadaallada caalamka ee dalka Soomaaliya lagu xasilinayo, dibna loogu dhisayo. Caasimada Online Xafiiska Nairobi caasimada@live.com




SOURCE: Sawirro: Uhuru oo shaaciyey farriintii uu Kheyre uga keenay Farmaajo kadib kulan ka dhacay Nairobi

Leave a Reply

This site uses Akismet to reduce spam. Learn how your comment data is processed.