Sir xasaasi oo ku saabsan shidaalka oo la kashifay: Saamiga DF iyo Spectrum ay leeyihiin + Lacag la qaatay

0
62

Muqdisho (Caasimada Online) – Barnaamijka Galka Baarista ee idaacadda VOA ee Haaruun Macruuf, ayaa shaaca ka qaaday xog xasaasi ah oo ku saabsan shidaalka Soomaaliya iyo lacag la siiyey wasaaradda batroolka Soomaaliya.Toddobaadkii hore dawladda Soomaaliya waxay magaalada London kusoo bandhigtay xogta laga laga helay sahankii shidaalka ee laga sameeyey Soomaaliya intii u dhaxaysay sannadihii 2014-ka iyo 2016-ka.Sahankan waxaa iskaga dambeeyey labada shirkadood ee kala ah Soma Oil & Gas iyo shirkadda Spectrum.Soo bandhigista xogta shidaalka ee ka dhacday London toddobaadkii hore, waxaa daba socda in la sameeyo sahamin, taasi oo u baahan in dhulka sahanka laga samaynayo saliid laga baadho.Bixinta qandaraasyadan waxay bilaabaynsaa dabayaaqada sannadkan, sida rasmi ahaan loo sheegay, inkastoo khubarada qaar ay sheegeen in furitaanka tartanka shidalaka Soomaaliya ay durba bilaabantay.Barnaamijka Galka Baadhistu ee VOA ayaa ogaaday in shirkadda Spectrum oo qandaraas lagu siiyey kaydinta iyo iibka xogta Soomaaliya ay lacago gaadhaya $1.35 milyan oo doollar ay siin jirtay wasaaradihii kala dambeeyey ee shidaalka. Lacagahaasina waxay abuuri karaan shaki maadaama shirkaddu siinayso wasaaraddii siisay qandaraaska kaydinta iyo iibinta xogta.Waxaa kale oo Galka Baarista uu ogaaday in Soomaaliya ay hoos u dhigtay saamiga ay ka qaadanayso shidaalka soo baxa maalmo uun ka hor intii aan la tegin shirka London, waxaana saamigaasi laga dhigay 54-66% halka dokumentiyo hore oo la qoray ay gaarsiinayeen ilaa 85%.Hoos ka dhageyso barnaamijka Galka BaaristaCaasimada Online Xafiiska Muqdisho Caasimada@live.com




SOURCE: Sir xasaasi oo ku saabsan shidaalka oo la kashifay: Saamiga DF iyo Spectrum ay leeyihiin + Lacag la qaatay

Leave a Reply

This site uses Akismet to reduce spam. Learn how your comment data is processed.