Villa Somalia oo culeeska baraha bulshada darteed garab ka dalbatay Adis Abbaba

0
363

Muqdisho (Caasimada Online)-Dowladda Somalia waxaa lagu eedeeyaa iney ahmiyad badan siiso baraha bulshada isla markaana lacago bandanna ay ku bixiso.
Waxaa arrintaan sii xoojiyay Cabdikariin Sheikh Muuse (Qalbi dhagax) oo dhawaan laga soo daayay xabsi ku yalla wadanka Ethiopia, isagoo wareysi siinayay barnaamijka (Gal Baarista ee VOA-da) wuxuu sheegay in dhawr jeer laga codsaday inuu dowladda ka caawiyo in la istaajiyo kacdoonkii ka socday baraha bulshada mudadii uu xirnaa.
Wuxuu sheegay in loo soo jeediyay inuu hadlo si loo joojiyo xaaladii taagneed xilligaas.
“Waxaa ii yimid xubno ka tirsan sirdoonka Ethiopia  iyo qaar ka mid raggii gacanta igu hayay, waxey ii sheegeen in dowladda Soomaaliya uu culeys saaran yahay kaas oo dhanka baraha bulshada ah kuna saabsanaa arrinteyda, waxey i yiraahdeen “Fadlan hadal oo waxaad tiraahdaa waxaan ahay Ethiopian  oo anigaa halkaan immid dowladda Ethiopia-na  wadahadal kula jira, xor ayaan ahay si dowladda uu uga istaago kacdoonka ka socda baraha bulshada, balse waan diiday” ayuu yiri Qalbi Dhagax.
“Mar walba waxaan aaminsanaa inaan ahay Soomaali, soomaaliduna ay isku mid ii tahay, mana rabin inaan ka laabto qaddiyadeyda, ragii markaas gacanta igu hayay wey ku kala qeybsameen codsigii ahaa in la joojiyo kacdoonkii ka socday barbaraha bulshada iyadoo aniga la i adeegsanayo, qaar ka mid ah ayaa diiday oo yiri lama qasbaayo hadii uusan raali ka aheyn, anigana raali kama aheyn”
Hadalka Qalbi dhagax wuxuu muujinayaa sida ay Dowladda Soomaaliya ahmiyad u siineyso baraha bulshada taas oo niyadjab ku rideysa dad badan oo aaminsanaa iney dowladda waxqabadka guud xoogga saareyso.
Dadka arrimaha Villa Somalia u dhuunduleela waxey talo ahaan soo jeedinayaan in Farmaajo iyo Kheyre laga doonayo iney la yimaadaan wax ka weyn baraha bulshada.
Caasimada Online
Xafiiska Muqdisho
Caasimada@live.com




READ MORE FROM THE SOURCE: Villa Somalia oo culeeska baraha bulshada darteed garab ka dalbatay Adis Abbaba

Leave a Reply

This site uses Akismet to reduce spam. Learn how your comment data is processed.