Xog: Siyaasiyiin Somali ah oo la filayo inay Kenya ugu marqaati kacaan badda

0
146

Nairobi (Caasimada Online) – Dowlada Kenya ayaa lasoo sheegayaa inay ku guda jirto dadajinta marqaati fur ay u sameyneyso Kiiska Badda Somalia oo jawaabteeda laga sugaayo Maxkamadda Caalamiga ah ee Cadaaladda Adduunka ICJ.
Dowlada Kenya ayaa la xaqiijiyay in marqaati furka ay ku baadi-goobeyso xubno ka tirsan garabka Mucaarad dowlada oo iminka intooda badan ku sugan magaalada Nairobi.
Marqaati furka ayaa la sheegay inay ka harsan tahay Jawaabta laga sugaayo ICJ, waxa ayn xogtu tibaaxeysaa in kiiskaasi la doonaayo in lagu sii qaso dooda ka taagan Badda Somalia.
Kiiska marqaati furka ayaa waxaa gadaal ka riixaya Ra’isul wasaarihii hore Cumar C/rashiid iyo C/raxmaan C/shakuur oo la xaqiijiyay in dhawaan ay magaalada Nairobi kula kulmeen Mas’uuliyiin ka tirsan dowlada Kenya.
Xeer ilaaliyaha guud ee Kenya Githu Muigai ayaa dhawaan sheegay in Jawaabta Kenya ee Maxkamada u heyso cadeymo xaqiiq ah.
Githu Muigai, waxa uu ku dooday in cadeymahooda ay qeyb ka yihiin Documentiyo hore oo muujinaaya in Kenya ay leedahay qeybta Badda ee muranka uu ka taagan yahay.
Sidoo kale, Githu Muigai, waxa uu ku goodiyay in cadeymaha ay hayaan aawgood ay Somalia munaasib u tahay inay ka harto dacwada Badda oo ay sii karineyso.
Si kastaba ha ahaatee, kiiska Badda Somalia oo iminka maraaya heerkii ugu adkaa ayaa waxaa cabsi laga qabaa in Kenya ay malaayiin lacaga iyo Hanti maguurana ku bixiso cadeymaha la sheegay inay weli ka harsan tahay Jawaabta.
Caasimada Online
Xafiiska Nairobi
Caasimada@live.com




READ MORE FROM THE SOURCE: Xog: Siyaasiyiin Somali ah oo la filayo inay Kenya ugu marqaati kacaan badda

Leave a Reply

This site uses Akismet to reduce spam. Learn how your comment data is processed.